Wednesday, September 27, 2006

 

ناصر لما مات

لم يكن يدرك ما حولة هذا الطفل الصغير
الذى لم تتفتح عيناة بعد على الحياة
فقط الدموع والسواد
لكن ماهذا
لم ينقص احد من افراد الاسرة بعد
كلنا هنا انا وابى وامى واخوتى
لماذا اذن يبكون
ومن يبكون
قد يكون احد اقاربنا فى بلد اخر
ولكن انتظر قليلا
لماذا الشوارع كلها زحام
وسواد ونسوة باكيات
هل قريبنا هذا يعرفة
كل الناس فى كل البلاد
غير معقول
من يكون هذا الذى مات
وفى المساء كان هذا الطفل هو فقط المسموح لة بالكلام مع ابية
سيبوة يمكن يخفف عن ابوكم
قالتها امى لاخوتى ينتظر قليلا حتى يبدأ بالكلام
مالك يا بابا
مافيش
لا فية وعينيك حمرا لية
ويزداد احمرارها وتنهمر الدموع
ولا كلام
-----------------------
ماعلقوش نور مضان السنة دى على المدنة لية يا امى
علشان ناصر مات
ومين ناصر دة
علشان ما يعلقوش نور على المدنة بتاعة الجامع
دة رمضان مش ممكن ابدا يجى من غير ما يكون فية نور على المدنة
ناصر دة ابويا وابوك وابو بابا كما
ازاى ينفع الكلام دة
ازاى يكون ابوكى وابويا وابو بابا فى نفس الوقت
انتوا بتضحكواعليا كلكم
ولما يجى بابا انا بنفسى حاقولة ماما كدبت يا بابا
وتسكت ام
الطفل
-----------------------------
ماما مش حنعمل الكحك بقى انا نفسى امسك المفرمة والفها علشان البسكويت
كمان انتى
وعدتينى
انى انقش معاكم الكحك
مش ممكن نعمل كحك السنة دى
لية يا ماما
ازاى نعمل كحك وناصر لسة ميت ما بقالهوش شهرين
اية حكاية ناصر دة اللى واقفلى فى كل حتة
نور رمضان على المدنة ما فيش علشان ناصر
وكمان ما فيش كحك
وبسكويت
كل دة علشان ناصر مات
وهو مين ناصر دة
ويطلع اية ناصر دة
علشان مانعملش كحك
وما نعلقش نور علشان هو مات
واليوم
بعد كل هذا العمر
يدرك تماما هذا الطفل
لماذا كان هذا السواد والبكاء
واختفاء نور رمضان من المدنة
ويدرك تماما
ان امة
لم تكن تكذب علية
ناصر مات زى النهاردة
يا قصيدة شعر تقال فيخضر منها الميلاد
إلى أين
إلى أين يا فارس الحلم
وما الشوط حين يموت الجــواد
كل الأساطير ماتت بموتك
.. وانتحرت شهرزاد
وراء الجنازة سارت قريش
.. فهذا هشام وهذا زيــــــــــاد
وهذا يريح الدموع عليك
.. وخنجره تحت ثوب الحداد
وهذا يجاهد في نومه
..وفى الصحو يبكى عليه الجهاد
وهذا يحاول بعدك ملكً
.. وبعدك كل الملوك رماد
وفود الخوارج جاءت جميعاً لتنظم فيك قصيدة عشق
فمن كسروك ومن صلبوك بباب دمشق
أنادى عليك أبا خالد
اًواعرف إني أنادى بواد
وأعرف انك لن تستجيب
وأن الخوارق ليست تعاد
نزار طبعا