Friday, November 23, 2007

 

هيا بنا نسرق الكهرباء

تم الاشارة للموضوع فى جريدة المصرى اليوم و الراية القطرية وجريدة المساء الجزائرية وموقع محيط

بعد ان اتخذت الحكومة قرارا بزيادة أسعار الكهرباء في سرية بالغة
ومع تدهور الاحوال الجوية المفاجى
نقدم لكم اعزائى المشاهدين
اكثر الطرق شيوعا فى بر مصر للتحايل على سرقة الحكومة لاقوات المصريين وتقديمها لقطعان المستثمرين
اولا: انزع غطاء العداد الاسفل حيث توجد الاطراف الداخلة للمنزل



تجد اربع اطراف اتنين من خارج المنزل للعداد والاخرين من العداد للمنزل
انظر جيدا فى الصورة عند السهم الاحمر يوجد كوبرى بسيط بين مسمارين

قم بفك المسمار الايسر برفق باستعمال مفك عادة حتى يسقط الكوبرى كما فى الصورة اسفلة
تلاحظ توقف العداد عن الدوران مع عدم انقطاع التيار الكهربى عن المنزل


ملحوظة

تستعمل هذة الطريقة فى غير اوقات الدوام الرسمى ويستحسن استخدامها فى الفترة من بعد العشاء وحتى قبل الساعة العاشرة صباحا

يفضل استعمالها فى المنازل التى تحتوى على ابواب خارجية ووجود العدادات خلف ابواب مغلقة

ثانيا بواسطة استخدام السكينة الثلاثية

يتم تركيب هذة السكينة فى الشقق التى تكون تحت التشطيب وذلك بدفنها فى اماكن غير متوقعة غالبا فى حجرة النوم او فى البلكونة او فى المناور

يعنى ما تجيش تعمل فِتك اوى وتركبها فى المطبخ او الحمام لان دى اول اماكن يتم البحث فيها عند وجود مباحث الكهرباء

وتستلزم شد وصلة من الخارج الى السكينة ووصلة اخرى من السكينة الى العداد وتتم تغذية الشقة من الطرف الاوسط
وبكدة يكون عنك اختيارين فى الانارة

كدة عداد او كدة مش عداد

ومن الممكن استعمال بعض مفاتيح التوزيع المعقدة بعض الشىء لاداء نفس المهمة وتعتمد على خبرة الكهربائى الذى يقوم بالتركيب


ثالثا طريقة الارضى
تستعمل فى المنازل والشقق حيث توجد توصيلة للارضى وهى ببساطة عبارة عن دفن سيخ حديد او نحاس فى الارض على عمق نص متر مثلا وتوصيلة بسلك كهرباء نحاسى معزول يكون هذا هو الطرف الارضى ويستعمل فى تفريغ الشحنات الزيادة من مختلف الاجهزة الكهربائية فى المنزل مثل الكومبيوتر والثلاجة والغسالة وغيرها
وعند توصيل الطرف الميت من الكهرباء بالارضى العمومى للشقة يبطىء دوران العداد الى اقل من النصف
ويتم التعرف على الطرف الميت باستعمال مفك تيست بسيط
(لو نور يبقى حى لو مانورش يبقى ميت)
من اقوال احد حكماء الكهرباء
رابعا
يستعمل البعض مغناطيس قوى بوضعة بجانب العداد من الخارج غالبا يكون من سماعة قديمة او بتاع حوض السمك
ولكن هذا يؤدى لحرق دائرة العداد وتوقفة بعد فترة

طرق اصبحت موضة قديمة
تركيب لمبة واحدة بطريقة معينة تصبح عند انارتها توقف العداد
تركيب مفتاح تلاجة خلف باب الشقة لايقاف وتشغيل العداد
استعمال طريقة
ابو محمد مش موجود

Saturday, November 17, 2007

 

ثنائية الحب الكراهية

مش لازم علشان انت تكرة عبد الناصر انك تحب الملك فاروق
علشان انا باكرة حسنى مبارك مش لازم احب بوش واصدق وعودة بالديمقراطية والحرية امال جوانتانامو
وابوغريب مين عملهم
مش لازم انى احب اسامة بن لادن علشان انا باكرة بوش
مش لازم احب نادية الجندى علشان انا باكرة فيفى عبدة الاتنين اسخم من بعض
مش لازم احب الشيخ محمد حسان علشان انا مش باحب الشيخ على جمعة
او احب الشيخ ابو اسحاق الحوينى علشان انا باكرة الشيخ سيد طنطاوى
ومش لازم اشوف قناة الناس علشان انا ما بحبش قناة اقراء او الرسالة
مش ضرورى انى اعيط على رابين لما انطخ علشان انا باكرة شارون الاتنين خنازير فى زريبة واحدة
والكلب ما بيعضش ودن اخوة
ومش لازم احب قناة او تى فى علشان ميلودى بتحارب الملل
مش لازم احب ايمن نور علشان باكرة جمال مبارك
مش لازم احب نعمان جمعة علشان انا باكرة محمود اباظة انا باكرة الوفد اساسا
ومش لازم اكرة الوفد لانى باحب الحزب الناصرى فية شخصيات مسخرة فى الحزب الناصرى اكتر من
الوطنى
ومش لازم احب صلاح عيسى بعد ما بقى رئيس تحرير القاهرة وهو صايع زمان كان احسن من دورة
دلوقتى مغسلاتى وزير الثقافة
ومش لازم احب عبد الرحمن الابنودى بعد ما باع القضية وبقى شهرتة الابنودى بيتة وبيقول بيتى
ومش لازم انى احب الانبا مكسيموس علشان انا معترض على بعض مواقف البابا شنودة
مش لازم احب عبد المنعم سعيد علشان انا باكرة اسامة سرايا انا مش طايق الاتنين اساسا
مش لازم اكرة جوزية علشان الاهلى اتغلب من النجم الساحلى الاهلى اتغلب علشان كان فية واحد نحس فى
المقصورة الرئيسية امال يعنى كانوا حاطينة جوة صندوق زجاج لية
مش لازم احب الجنرال عون لانى اكرة سعد الحريرى
مش لازم احب الملك عبداللة بن الحسين لانى اكرة توجان الفيصل
مش لازم احب امير الكويت الشيخ صباح السالم الصباح علشان انا باكرة الشيخ سعد العبداللة الصباح انا
ممكن اكرة الاتنين عادى ومعاهم بقية سكان الكويت من غير ما احس بتغيير
مش لازم احب احمد صبحى منصور علشان انا مش قادر استوعب البخارى
مش لازم احب سيدي ولد الشيخ عبد الله علشان انا باكرة معاوية ولد الطايع ولد الشيخ تعهد بتوثيق
علاقات بلادة مع الكيان الصهيونى